नेकपा (एमाले)को केन्द्रीय कला, साहित्य तथा संस्कृति विभागले आज साउन १५ को अवसरमा स्रष्टा भेटघाट तथा खिर खाने कार्यक्रम अयोजना गरी किसान संस्कृति मनाएको छ ।

सो अवसरमा पार्टी अध्यक्ष केपी शर्मा ओलीले हाम्रा चाडपर्वहरु टाढिन लागेका सम्बन्ध ताजा बनाइराख्ने बताए । एमालेको पार्टी कार्यालय च्यासलमा आयोजित कार्यक्रममा अध्यक्ष ओलीले हाम्रा चाडपर्वहरु सांस्कृतिका खानी भएकाले त्यसका पर्वका नकरात्मक कुरालाई छोड्दै सकरात्मक पक्षलाई मना गर्नुपर्नेमा जोड दिए ।

कार्यक्रममा सो विभागका प्रमुख रघुजी पन्तले किसान संस्कृतिका रुपमा रहेको खिर खाने कार्यक्रमले आपसी भेटघाट र सद्भाव बढाएको बताए ।

खिर खाने कार्यक्रममा नेपाल प्रज्ञा प्रतिष्ठानका कुलपति गंगाप्रसाद उप्रेती, नेपाल ललितकला प्रज्ञा–प्रतिष्ठानका कुलपति केके कर्माचार्यलगायत विभिन्न नेता, संस्कृतिकर्मी, लेखक, कलाकार र पत्रकारहरुको सहभागिता रहेको थियो ।

प्रकाशित समय : २१:५१ बजे