गरिमा विकास बैंकले आजको डिजिटल युगमा प्रविधिको विकास र ग्राहकको आवश्यकतालाई मध्यनजर गर्दै थप सेवा सुविधासहित पुरानो मोबाइल बैकिङ एपलाई नयाँ ओम्नी च्यानल डिजिटलमा स्तरोन्नति गरेको छ ।

योसँगै अब बैंकको मोबाइल बैकिङ एपको नाम ‘गरिमा स्मार्ट’बाट परिवर्तन भइ ‘डिजि बटुवा’ भएको छ । ‘डिजि बटुवा’अन्तर्गत बैंकका ग्राहक ले ‘एपमा पनि, अनि वेबमा पनि’ एउटै युजरनेम र पासवर्ड प्रयोग गरी विभिन्न सुविधाहरु प्राप्त गर्ने छन् ।

बटुवाबाट पैसा ट्रान्सफर, विभिन्न बिल भुक्तानी (जस्तैः बिजुलीको बिल, टेलिफोनको बिल, इन्टरनेटको बिल, ट्राफिक चिट आदि), मोबाइल टपअप, बैंक इस्टेटमेन्ट, चेक इस्टेटमेन्ट रिक्वेस्ट, क्यूआर पेमेन्ट आदिको सजिलै प्रयोग गर्न सक्नेछन् ।

साथै, स्तरोन्नति पश्चात बैंकको मोबाइल बैकिङ एप ‘डिजि बटुवा’ अझ बढी सुरक्षित एवं ग्राहकमैत्री भएको छ । यस बैंकका ग्राहकले सजिलै प्लेस्टोर तथा एपस्टोरबाट यो एप डाउनलोड गरि प्रयोग गर्न सक्ने छन् । बैंकले ग्राहकमैत्री प्रविधिहरु भित्र्याउने क्रममा पछिल्लो वर्ष पनि बिना चेकबुक शाखाबाट मोबाइल बैकिङमार्फत् पैसा निकाल्न मिल्ने गरिमा स्मार्ट टेलर लिएर आएको थियो ।

गरिमा विकास बैंकले नेपालभर १२० शाखा कार्यालय, १ एक्स्टेन्सन काउण्टर तथा ५१ एटीएमबाट सेवा प्रदान गर्दै आएको छ ।