जनता समाजवादी पार्टी क्रमश: औपचारिक फुटतर्फ अघि बढेकाे छ । पार्टीका संघीय परिषद् अध्यक्ष डा. बाबुराम भट्टराईले आफूपक्षीय भेला डाकेका छन् । केन्द्रीय समितिको साे बिस्तारित बैठक सुरु भएको छ ।

काठमाडौंको कोटेश्वरस्थित एक होटलमा बाबुराम समूहको बैठक सुरु भएको हो । यो बैठक जसपा विभाजनको औपचारिक कदम हुने बताइएको छ । भेलामा बाबुराम समूहमा खुलेका नेताहरु सहभागी छन् । कार्यकारिणी सदस्य, केन्द्रीय सदस्य लगायतका पदाधिकारीहरू बैठकमा सहभागी रहेकाे बताइएकाे छ ।

दुई दिनसम्म चल्ने बैठकमा जसपाको आन्तरिक विवादको विषयका साथै पार्टी क्षेत्रीय हुने कि राष्ट्रिय हुने भन्नेमा विशेष छलफल हुने जनाइएकाे छ । यस्तै सनातन सत्तामुखी पार्टी हुने कि रुपान्तरणकारी राजनीति गर्ने भन्ने विषयमा पनि बैठकमा छलफल हुनेछ । पार्टीको नेतृत्व एकल हुने कि समावेशी पार्ने विषयमा पनि बैठकमा छलफल हुनेछ ।

बैठकका एक सयभन्दा बढी केन्द्रीय सदस्य उपस्थित रहेकाे बताइएकाे छ । जसपामा केन्द्रीय समितिको सदस्य संख्या ४९९ रहेको छ ।

प्रकाशित समय : १९:४३ बजे