भारत सरकारको अनुदान सहयोगमा कपिलवस्तु जिल्लाको महाराजगञ्ज नगरपालिका-९ मा अवस्थित शिवभरी माध्यमिक विद्यालय र जानकी उच्च माध्यमिक विद्यालयका लागि निर्मित दुई विद्यालय भवनहरू बिहीबार उद्घाटन भएको छ ।

काठमाडौंस्थित भारतीय राजदूतावासका प्रथम सचिव करुण वंशलले कपिलवस्तु जिल्लाको महाराजगञ्ज नगरपालिका-९ मा अवस्थित शिवभरी माध्यमिक विद्यालय र जानकी उच्च माध्यमिक विद्यालयका लागि निर्माण गरिएका विद्यालय भवनहरू उद्घाटन गरेका हुन् ।

शिक्षा क्षेत्रमा भारत-नेपाल विकास सहकार्यअन्तर्गत सामुदायिक विकास परियोजनाको रुपमा भारत सरकारको आर्थिक सहयोग ५ करोड ९२ लाख रुपैयाँ लागतमा यी परियोजनालाई अघि बढाइएको दूतावासले विज्ञप्तिमार्फत जनाएको छ ।

प्रकाशित समय : १६:३९ बजे