एनएमबी बैंकले सामाजिक दायित्व अन्तर्गत विरेन्द्रनगर सुर्खेत–१६ स्थित सरस्वती प्राथमिक विद्यालय भवनकाे पुनर्निर्माण गरेकाे छ ।

गत जेठमा आएको हावाहुरीले उक्त विद्यालयको जस्ताको छाना उडाएपछि विद्यार्थीहरु खुला चौरमै पढाउन बाध्य थिए । एक कार्यक्रमबीच आज बैंकले ४ वटा कोठाको पुनःनिर्माण गरी विद्यालयलाई हस्तान्तरण गरेको हो । 

कार्यक्रममा बैंकको तर्फबाट क्षेत्रीय प्रबन्धक मित्रराज प्याकुरेल, कर्मचारीहरु निर्मल गौलीलगायत उपस्थित थिए भने विद्यालयको तर्फबाट विद्यालय व्यवस्थापन समिति, शिक्षक तथा विद्यार्थीलगायत सदस्यहरुको उपस्थिति  थियो ।

उक्त कार्यक्रममा क्षेत्रीय प्रबन्धक प्याकुरेलले विद्यालयसँग सहकार्यले विद्यार्थी भाइबहिनीमा पठनपाठनमा सहज हुने विश्वास व्यक्त गरे ।

बैंकले वित्तीय कारोबार मात्र गर्ने थाहा भए पनि सामाजिक कार्यमा सहयोग गर्ने कुराले आफूहरु हर्षित भएको विद्यालयका प्रधानाध्यापक खड्कबहादुर खड्काले बताए । ‘सामाजिक कार्यमा एनएमबी बैंकको सहकार्यले शिक्षक, विद्यार्थी र अभिभावक खुसी छौँ,’ उनले भने, ’वीरेन्द्रनगरकै विकट वडा भएकाले विद्यालयमा सेवा सुविधा छैन । यस्तो अवस्थामा बैंकले गरेको सहयोग अतुलनीय छ ।’

विगत २६ वर्षदेखि बैंकिङ सेवा सुविधा प्रदान गर्दै आएको नेपाल राष्ट्र बैंकबाट ‘क’ वर्गको इजाजत पत्र प्राप्त एक अग्रणी वित्तीय संस्था हो ।

एनएमबी बैंकले हाल देशभरि २०१ शाखा, १३८ एटीएम, ११ एक्सटेन्सन काउन्टरमार्फत् उच्चस्तरीय बैंकिङ सेवा प्रदान गर्दै आइरहेको छ ।

प्रकाशित समय : २२:२३ बजे