मंगलबार सेयर बजार २.२२ प्रतिशतले घटेको छ । आज नेप्से परिसूचक ४६.०८ अंकले घटेर २,०३०.५९ बिन्दुमा पुगेको हो । अघिल्लो दिन पनि नेप्से ९.७५ अंकले घटेको थियो ।

नेप्से घटेसँगै आज कारोबार रकम पनि घटेको छ । अघिल्लो दिन ४ अर्ब ३४ करोड ९२ लाख ७३ हजार रुपैयाँको सेयर कारोबार भएकोमा मंगलबार दुई अर्ब ९६ करोड ८४ लाख ८५ हजार रुपैयाँको सेयर कारोबार भएको छ ।

सोमबार नेप्से ९.७५ अकंले घटेर २ हजार ७६.६७ बिन्दुमा कारोबार बन्द भएको थियाे । त्यस दिन २३४ कम्पनीको एक करोड नौ लाख ८१ हजार ५९१ कित्ता सेयर किनबेच हुँदा चार अर्ब ३४ करोड ९२ लाख ७३ हजार ५९३ रुपैयाँको कारोबार भएको थियाे ।

आज कुल २२९ किसिमका धितोपत्र तथा ऋणपत्रको ८६ लाख १३ हजार ४८९ कित्ता सेयर किनबेच भएको छ। कारोबार भएका धितोपत्र तथा ऋणपत्रमध्ये जम्मा २२ वटाको मूल्य बढेको छ भने २०० वटाको मूल्य घटेको छ । आज सीवाइसी नेपाल लघुवित्त वित्तीय संस्थाको मूल्य वृद्धिमा सकारात्मक सर्किट ब्रेक लागेको छ । यसपछि न्यादी ग्रुप पावरको ९.९७ प्रतिशत र आँधीखोला लघुवित्त वित्तीय संस्थाको ९.६१ प्रतिशतले सेयर मूल्य बढेको छ । आज सबैभन्दा धेरै घलेम्दी हाइड्रो पावरको ६.६० प्रतिशतले मूल्य घटेको हो ।

कारोबार रकमको आधारमा आज सबैभन्दा धेरै सानिमा बैंक संस्थापक सेयरको ३० करोड २० लाख रुपैयाँको सेयर कारोबार भएको छ । यसपछि अरुण काबेलीको ११ करोड ८२ लाख ६८ हजार रुपैयाँ, शिवम् सिमेन्टको १० करोड ६० लाख ७५ हजार रुपैयाँ, हिमालयन डिस्टिलरीको १० करोड २१ लाख ६५ हजार रुपैयाँ र अपर तामाकोशी हाइड्रोपावरको ८ करोड ५७ लाख १८ हजार रुपैयाँको कारोबार भएको छ ।

प्रकाशित समय : २२:३७ बजे