भारतका लागि नेपाली राजदूत शंकर शर्माले दिल्लीमा जिम्मेवारी सम्हालेको तीन महिना भइसक्दा पनि विदेश मन्त्रालयमा शिष्टाचार भेटको अवसर पाएका छैनन् । चैत ६ मा राष्ट्रपतिबाट सपथ लिएका शर्मा त्यसको एक सातापछि नयाँदिल्ली पुगेका थिए ।

चैत १८ देखि प्रधानमन्त्री शेरबहादुर देउवाको भारत भ्रमण रहेको भए पनि उनले नयाँदिल्ली पु्गेको झन्डै डेढ महिनापछि वैशाख २८ मा भारतीय राष्ट्रपति रामनाथ कोविन्दसमक्ष ओहदाको प्रमाणपत्र बुझाएका थिए । शर्माले ओहदाको प्रमाणपत्र बुझाउन डेढ महिना कुर्नुपर्दा, भारतीय राजदूतले भने काठमाडौं आइपुगेको छैटौं दिनमा राष्ट्रपति विद्यादेवी भण्डारीसमक्ष आफ्नो ओहदाको प्रमाणपत्र बुझाए ।

राष्ट्रपतिकोबाट प्रधानमन्त्री शेरबहादुर देउवालाई भेट्न उनी बालुवाटार पुगेका थिए । सरोकारवाला परराष्ट्रमन्त्री वा पदाधिकारलाई भेट्नुअगावै उनले प्रधानमन्त्रीलाई सहजै भेटे । प्रधानमन्त्रीलाई भेटेको भोलिपल्ट परराष्ट्रमन्त्री नारायण खड्कालाई भेटे । अहिले प्रत्येक पार्टीका शिर्ष नेताहरुलाई उनले घर-घरमै पुगेर भेटिरहेका छन् ।

प्रकाशित समय : १५:५० बजे