गृहपृष्ठ आइपीओ निष्कासन गर्दै सगरमाथा जलविद्युत कम्पनी
आइपीओ निष्कासन गर्दै सगरमाथा जलविद्युत कम्पनी
सगरमाथा जलविद्युत कम्पनी लिमिटेडले आइपीओ निस्कासन गर्ने भएको छ । कम्पनी इलाम नगरपालिकामा रहेको ९.६ मेगावाटको माथिल्लो माई जलविद्युत आयोजनाको विकासकर्ता हाे ।
कम्पनीले आयोजना प्रभावित, सर्वसाधारण, आफ्ना कर्मचारी र सामूहिक लगानी कोष सहितका लागि ५४ लाख ८८ हजार कित्ता आइपीओ निस्कासन गर्ने भएको हो । कम्पनीको कुल पुँजी १ अर्ब १२ करोड रुपैयाँ छ । जसमध्ये स्थानीयका लागि ११ लाख २० हजार कित्ता र सर्वसाधारण, कर्मचारी तथा सामूहिक लगानी कोषका लागि ४३ लाख ६८ हजार कित्ता गरी कुल ५४ लाख ८८ हजार कित्ता आइपीओ खुला गर्ने तयारी गरेको हो ।
आइपीओ निस्कासनका लागि कम्पनीले प्रभु क्यापिटललाई बिक्री प्रबन्धकमा नियुक्त गरेको छ ।
प्रकाशित समय : १९:१७ बजे
