मुक्तिनाथ विकास बैंक लिमिटेडले आफ्ना भिसा डेबिट कार्डवाहक तथा मोबाइल बैंकिङ ग्राहकहरुलाई थप सेवा दिन पोखरा अन्नपूर्ण केबलकारसँग केबलकारको सेवामा विशेष छुट प्रदान गर्नेगरी सम्झौता गरेको छ ।

सो सम्झौतापश्चात मुक्तिनाथ विकास बैंकका भिसा डेबिट कार्डबाहक तथा मोबाइल बैंकिङ ग्राहकहरुले पोखरा अन्नपूर्ण केबलकारमा केबलकारको सुविधामा १० प्रतिशतसम्म छुट प्राप्त गर्न सक्नेछन् । सम्झौता कार्यक्रममा बैंकका गण्डकी क्षेत्रीय प्रमुख शंकर केसी र अन्य कर्मचारीहरु तथा अन्नपूर्ण केवलकारका प्रमुख कार्यकारी अधिकृत दिनेश पौडेल र अन्य आधिकारिक सदस्यहरुको उपस्थिति रहेको थियो ।

पोखराकोे सेदीदेखि सराङकोटसम्म हालै सञ्चालनमा आएको केबलकार पर्यटकको आकर्षक गन्तव्य बनेको छ । केबलकारको टप स्टेसन सराङकोटमा स्विइङ, स्काई साइक्लिङ, टावर रेष्टुरेन्ट लगायतका अन्य विभिन्न सेवा उपलब्ध छ ।

प्रकाशित समय : १९:१० बजे