सत्ता गठबन्धनको बैठक प्रधानमन्त्रीको सरकारी निवास बालुवाटारमा सुरु भएको छ । नयाँ आर्थिक वर्षका लागि सरकारले ल्याउने नीति तथा कार्यकमको बारेमा छलफल गर्न उक्त बैठक बोलाइएको हो ।

बैठकमा नेपाली कांग्रेस, नेकपा (माओवादी केन्द्र), नेकपा (एकीकृत समाजवादी) र जनता समाजवादी (जसपा)का शीर्ष नेताहरु उपस्थित छन् । बैठकमा आगामी आर्थिक वर्षको बजेट र नीति तथा कार्यक्रमबारे छलफल भइरहेको छ । नयाँ आर्थिक वर्षका लागि सरकारले ल्याउने नीति तथा कार्यक्रम संसद्का दुवै सदनमा पेस गर्ने तयारी छ । बजेटबारे गठबन्धनमा रहेका दलहरुले साझा धारणा बनाइरहेको बताइएको छ ।

सरकारले यही १० गते आफ्नो नीति तथा कार्यक्रम ल्याउँदै छ ।

प्रकाशित समय : २०:४६ बजे