गृहपृष्ठ रामचन्द्रलाई भेटेका जगन्नाथले ‘चुनाव प्रचारमा जानुछ’ भन्दै देउवातिर नहेरी निस्किए
रामचन्द्रलाई भेटेका जगन्नाथले ‘चुनाव प्रचारमा जानुछ’ भन्दै देउवातिर नहेरी निस्किए
चितवनमा आज शिर्ष नेताहरुको लाइन छ । सत्ता गठबन्धनमा आवद्ध दलका शिर्ष नेता चितवनको भरतपुरमा छन् । गठबन्धनको तर्फबाट उम्मेदवारी दिएका उम्मेदवारहरुलाई भोट माग्न र आजै आयोजित चुनावी सभालाई सम्बोधन गर्नका लागि नेताहरु चितवन पुगेका हुन् ।
चुनावीसभालाई सम्बोधन गर्न भरतपुर पुगेका कांग्रेस वरिष्ठ नेता एवं गठबन्धनको निर्वाचन परिचालन समितिका संयोजक रामचन्द्र पौडेलले भरतपुरमा बागी उम्मेदवारी दिएका जगन्नाथ पौडेलसित एकाबिहानै भेट गरे । मुल उद्देश्य पौडेलको उम्मेदवारी फिर्ताको पहलकदमी लिनु थियो ।
भरतपुरको होटल सिराँगचुलीमा वरिष्ठ नेता पौडेलले र बागी उम्मेदवार जगन्नाथसँगै प्रस्तावक कृष्णलाल सापकोटा, समर्थक मीना खरेल र पूर्वसांसद भीमबहादुर श्रेष्ठबीच भेटवार्ता भएको थियो । भेटमा वरिष्ठ नेताल पौडेलले संविधान सिध्याउने षड्यन्त्र भइरहेको र स्थानीय तहसम्मै षड्यन्त्रको डिजाइन भइरहेकोले गठबन्धनलाई सहयोग गर्न आग्रह गरेका थिए । तर जगन्नाथ आफ्नो अडानबाट पछि हट्न मानेनन् । लगत्तै उनी बाहिरिए ।
प्रधानमन्त्री तथा कांग्रेस सभापतिसमेत रहेका शेरबहादुर देउवा पनि चितवनमै रहेकाले नेताहरुले जगन्नाथलाई भेटका लागि अनुरोध गरेका थिए । तर उनी 'चुनाव प्रचारमा जानु छ' भन्दै देउवाको अनुहारसमेत नहेरी निस्किए ।
प्रकाशित समय : १७:१० बजे
