पछिल्लो २४ घण्टाभित्र नेपालमा थप १० जनामा कोरोना भाइरस संक्रमण पुष्टि भएको छ । ४ हजार ६४ जनाको पीसीआर परीक्षण गर्दामा ८ जना र १ हजार १६२ जनाको एन्टीजेन परीक्षण गर्दा २ जना गरी १० जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएकाे छ ।

मन्त्रालयका अनुसार मंगलबार थपिएकासहित नेपालमा कोरोना संक्रमितको कुल संख्या ११ लाख १८ हजार ९५५ पुगेको छ । पछिल्लो २४ घण्टाकाे अवधिमा काेराेनाबाट कसैको पनि मृत्‍यु भएको छैन । नेपालमा काेराेनाबाट मृत्‍यु हुनेको संख्या ११ हजार ९५१ रहेकाे छ । गत २४ घण्टामा कोरोनाबाट १८ जना निको भएका छन् । हालसम्म नेपालमा ९ लाख ६६ हजार ५५८ जना संक्रमणमुक्त भएका छन् ।

मन्त्रालयकाे पछिल्लाे तथ्यांकअनुसार देशभर २६१ जना सक्रिय संक्रमित रहेका छन् । जसमध्‍ये २६० जना होम आइसोलेसनमा रहेका छन् भने १ जना संस्थागत आइसोलेसनमा रहेका छन् ।

प्रकाशित समय : २३:२७ बजे