वैशाख ३० गते हुने स्थानीय तहको निर्वाचनका लागि निर्वाचन आयोगले सबै स्थानीय तहमा निर्वाचन अधिकृतको कार्यालय स्थापना गरेको छ । आयोगले आज देशका ७५३ वटै स्थानीय तहमा  निर्वाचन अधिकृतकाे कार्यालय स्थापना गरेको हो ।

प्रमुख निर्वाचन आयुक्त दिनेश थपलियाका अनुसार ७५३ वटै स्थानीय तहमा निर्वाचन अधिकृतको कार्यालय स्थापना गरिएको हो । निर्वाचन आयोगको कार्यालयमा बिहीबार सञ्चारकर्मीसँगको छलफलमा प्रमुख निर्वाचन आयुक्त थपलियाले वैशाख ३० गते जसरी पनि चुनाव हुने बताएका छन् । उनले स्थानीय तहको निर्वाचनको विषयमा कुनै चिन्ता नलिन सबैलाई आग्रह गरेका छन् ।

उनले स्थानीय तहको निर्वाचनको तयारी अन्तिम चरणमा पुगेको बताउँदै निर्वाचन अधिकृतको कार्यालयमा निर्वाचन सामग्री पनि पुग्ने क्रममा रहेकाे जानकारी दिए ।

प्रकाशित समय : १९:३७ बजे