बुधबार सेयर बजार परिसूचक नेप्सेमा पुन: गिरावट आएको छ । लामो समयको अन्तरालपछि मंगलबार मात्र १३ अंकले बढेको नेप्सेमा बुधबार पुनः ३६ अंक माथिको गिरावट आएको हो ।

नेपाल स्टक एक्सचेन्जका अनुसार आज नेप्से ३६.७३ अंकले घट्दै २३ सय २०.५१ अंकमा झरेको छ । यस्तै 'क' वर्गको सेन्सेटिभ इन्डेक्ससमेत आज ६.६९ अंकले घट्दै ४४१.०८ अंकमा झरेको छ । १३ वटै उपसूचक ऋणात्मक भएर बजार नै राताम्मे भएको आज सबैभन्दा बढी फाइनान्स समूहको उपसूचक अधिकतम ३.८२ अंकले घटेको छ भने अन्य समूह ३.०५ अंकले घटेको छ ।

यस्तै, विकास बैंक समूहको उपसूचक २.६१ प्रतिशतले, होटल तथा पर्यटन समूह २.२५ प्रतिशतले र हाइड्रोपावर समूहको उपसूचक २.१२ प्रतिशतले घटेको छ । अन्य बाँकी उपसूचकहरु २ प्रतिशतभन्दा कम दरमा घटेका छन् । आज जम्मा एक अर्ब ४५ करोड ८७ रुपैयाँको मात्र कारोबार भएको छ ।

गत मंगलबार २२९ कम्पनीको ३२ लाख १३ हजार १९५ कित्ता सेयर २७ हजार ८४१ वटा संख्यामा खरीद बिक्री हुँदा कारोबार रकम १ अर्ब ३२ करोड ६८ लाख रुपैयाँमा समेटिएको थियाे ।

बुधबारकाे तथ्यांक :

प्रकाशित समय : २१:३० बजे