वर्ल्डलिंक प्रयोगकर्ताहरूले खल्ती मार्फत आफ्नो बिल भुक्तानीमा भ्याट रकमको १० प्रतिशत फिर्ता पाउन सक्नेछन् । खल्तीले आन्तरिक राजस्व विभाग (आईआरडी) र वर्ल्डलिंकसँग समन्वय गरी यो कार्यादेशलाई अगाडि बढाएको हाे ।

वर्ल्डलिंक र खल्ती दुवै मिलेर नेपालको डिजिटल अर्थतन्त्रलाई प्रोत्साहन गर्न र डिजिटल नेपालको साझा लक्ष्य पूरा गर्न काम गरिरहेका छन् । १० प्रतिशत भ्याट फिर्ताको साथै खल्तीले पहिले नै १.५ प्रतिशत क्यासब्याक + १ सय रूपैयाँ क्यासब्याक अर्थतन्त्रलाई प्रोत्साहन गर्न वर्ल्डलिंक बिल भुक्तानीमा प्रोमो कोड GOCASHLESS प्रयोग गरी छुट प्रदान गरेको छ । अब थप १० प्रतिशत भ्याट फिर्ताले डिजिटल नेपालतर्फ ६ लाख ५० हजार वर्ल्डलिंक घरपरिवारलाई सजिलै प्रत्यक्ष फाइदा पुर्‍याउने कम्पनीको विश्वास छ ।

उपभोक्ताहरूले भ्याट रकमको चार्ज गरिएको १३ प्रतिशत भ्याटको १० प्रतिशत भ्याट फिर्ता पाउनेछन् । यसका लागि खल्ती प्रयोगकर्ता उपभोक्ता वर्गको हुनु पर्ने छ साथै वर्ल्डलिंक जडान पनि उपभोक्ता वर्गको हुनु पर्ने छ । अर्थात् यो सुविधा व्यवसायिक कार्य प्रयोजनको लागि दिइने छैन ।

प्रकाशित समय : १८:३० बजे