वैकल्पिक बाटो तय भएसँगै पदमार्ग पुनः सञ्चालनमा
स्थानीय निर्वाचन रोक्न माग गरिएको रिट स्थगित
वि.सं.२०७८ चैत २८ सोमवार १८:५८
12.85K
shares
shares
वैशाख ३० गते तोकिएको स्थानीय तहको निर्वाचन रोक्न माग गर्दै दायर भएको रिट सोमबार सुनुवाइ नहुने भएको छ । उक्त रिटलाई सर्वोच्च अदालतले स्थगितको सूचीमा प्रकाशन गरेको छ । पर्साको मैनापुर गाउँपालिकाका अध्यक्ष विजयकुमार चौरसियाले दर्ता गराएको रिटले पेसीको पालो नै नपाएको हो ।
योसँगै स्थानीय तहको निर्वाचन रोक्न सर्वोच्चवाट आदेश हुन सक्ने आशंका पूरा नहुने भएको छ । निर्वाचन आयोगले आचारसंहिता लागू गरेर तयारी तीव्र पारेको अवस्थामा सर्वोच्चको यही मुद्दालाई देखाएर निर्वाचन सर्ने हल्ला केही दिनदेखि चलिरहेको थियो ।
जनप्रतिनिधिको समय अवधि ५ वर्षको रहेको तर सरकारले ५ वर्ष पूरा नहुँदै स्थानीय तहको निर्वाचन गर्न लागेको अध्यक्ष चौरसियाले रिटमा जिकिर गरेका छन् । मुद्दाको अर्को पेसी कहिले हुने भन्ने अहिले नै टुंगाे लागेको छैन ।
