बहुक्षेत्रीय प्राविधिक तथा आर्थिक सहयोगका लागि बंगालको प्रयास (बिमस्टेक) सम्मेलनमा भाग लिन परराष्ट्रमन्त्री डा. नारायण खड्का श्रीलंकाको राजधानी कोलोम्बो पुगेका छन् । मन्त्री खड्का मंगलबार हुने बिमस्टेकको परराष्ट्रमन्त्रीस्तरीय बैठकमा सहभागी हुन श्रीलंका पुगेका हुन् ।

बैठकमा श्रीलंकासहित बंगलादेश, भारत, भुटान, नेपाल र थाइल्यान्डका मन्त्रीहरू सहभागी हुनेछन् भने सैनिक शासन लागु भएको म्यानमारका विदेशमन्त्री भर्चुअल रूपमा सहभागी हुनेछन् ।

श्रीलंकामा बुधबार बिमस्टेकको पाँचौं शिखर सम्मेलन हुँदैछ। राष्ट्रपति गोटवाया राजापाक्षेले अध्यक्षता गर्ने शिखर सम्मेलनमा सदस्य राष्ट्रका सरकार र राष्ट्रप्रमुख भर्चुअल्ली सहभागी हुनेछन् । प्रधानमन्त्री शेरबहादुर देउवाले पनि शिखर सम्मेलनमा भर्चुअल्ली सम्बोधन गर्ने कार्यक्रम छ ।

बिमस्टेकको चौथों शिखर सम्मेलन २०१८ मा काठमाडौंमा सम्पन्न भएको थियो ।

प्रकाशित समय : १३:४९ बजे