राष्ट्र बैंकले २२ अर्ब १० करोड रुपैयाँको ट्रेजरी बिक्री गर्ने भएको छ । चैत्र १४ गते सोमबार अपरान्ह तीन बजेसम्म उक्त परिमाणमा ट्रेजरी बिल बिक्री गर्न लागिएको बैंकले जनाएको छ । चैत्र १५ गते जारी मिति तोकिएको ट्रेजरी खरिदको लागि वाणिज्य बैंक, विकास बैंक र फाइनान्स कम्पनीहरुले भाग लिन सक्नेछन् । बिक्री गरिने कुल ट्रेजरी मध्येमा २८ दिने अवधिको पाँच अर्ब, ९१ दिने अवधिको नौं अर्ब १० करोड, एक सय ८२ दिने अवधिको तीन अर्ब र तीन सय ६४ दिने अवधिको पाँच अर्ब रुपैयाँको रहेको छ ।

बिक्री गरिने कुल ट्रेजरीमध्ये २८ दिने, ९१ दिने र एक सय ८२ दिने टे«जरी पुरानो नविकरण अन्र्तगत रहेको छ भने तीन सय ६४ दिने ट्रेजरी नयाँ रहेको छ । यी ट्रेजरीहरुको परिपक्व हुने अवधि भने क्रमश :२०७९ बैशाख १३ गते, २०७९ असार १४ गते, २०७९ असोज ११ गते र २०७९ चैत्र १४ गते तोकिएको राष्ट्र बैंकको भनाइ छ । यसअघि गत साता अर्थात यही चैत्र सात गते पनि राष्ट्र बैकले ११ अर्ब ८३ करोड रुपैयाँ बराबरको ट्रेजरी बिल बिक्री गरेको थियो ।