आज मंगलबार नेपाल स्टक एक्सचेञ्ज (नेप्से) १७.१५ अंकले घटेको छ । कारोबार सुरू भएदेखि नै घट्न थालेको नेप्से परिसूचक दोहोरो अंकले घट्दै २६५०.९७ अंकमा आएर रोकिएको हो । आज सेन्सिटिभ सूचक पनि ७.२६ अंकले घटेको छ ।

आज नेप्सेमा ६५ लाख २९ हजार कित्ता सेयर किनबेच भइ ३ अर्ब ३६ करोड ४२ लाख रुपैयाँ बराबरको कारोबार भएको छ । यस्तै, कारोबार भएका १३ मध्ये ४ समूह बढेका छन् । जीवन बिमा समूह १०२ अंक, होटल एण्ड टुरिज्म ९७.७, निर्जीवन बिमा समूह ६७ अंक र म्युचुअल फण्ड समूहमा ०.०९ अंकको वृद्धि आएको छ । यीबाहेक, उत्पादनमुलक समूह १०४ अंकले घटेको छ भने जलविद्युत समूह ४५ अंकले घटेको छ ।

अन्य समूह ३५ अंकले घट्दा लघुवित्त समूह ३९ अंकले घटेको छ । यसका साथै, व्यापार समूहमा समेत २७ अंकको गिरावट आउँदा बैंकिङ समूह ११ अंकले घटेको छ । बजार दोहोरो अंकले घटे पनि इमर्जिङ नेपालको सेयर मूल्य ९.९८ प्रतिशतले बढेको छ ।

साेमबार भने ब्रोकरहरुको डेटा सेन्टरमा गडबडी आएपछि सेयर कारोबार प्रभावित भएकाे थियाे । दिउँसो १२ बजेर ५३ मिनेटपछि डेटा सेन्टरको समस्याका कारण नेपाल स्टक एक्सचेन्जले सेयर कारोबार रोकेकाे थियो । प्राविधिक समस्याले काराेबार प्रभावित हुँदा साेमबार १ अर्ब ३४ करोड २२ लाख ३२ हजार रुपैयाँको २३ लाख ४९ हजार कित्ता सेयर खरिदबिक्री भएका थिए ।