कोप–३१ मा जलवायु परिवर्तन र स्वास्थ्यसम्बन्धी छलफलको अध्यक्षता मन्त्री मेहताले गर्ने
आज प्रतिनिधिसभा बस्दै, एमसीसीबारे निर्णायक छलफल हुने
वि.सं.२०७८ फागुन १२ बिहीवार १३:४३
11.45K
shares
shares
संघीय संसदको प्रतिनिधिसभाको बैठक आज बस्दैछ । संसद् भवन नयाँ बानेश्वरमा आज दिउँसो १ बजे बठैक बस्ने भएको हो । बैठकमा अमेरिकी सहयोग परियोजना एमसीसी सम्झौताबारे निर्णायक छलफल हुँदैछ ।
संसद सचिवालयले बुधबार सार्वजनिक गरेको प्रतिनिधिसभाको सम्भावित कार्यसूचीमा पनि एमसीसी सम्झौतामाथि छलफल हुने उल्लेख छ । सम्भावित कार्यसूची अनुसार बैठक अघि बढे आज एमसीसीबारे छलफलको प्रस्ताव पेस हुनेछ।
गत आइतबारको प्रतिनिधिसभा बैठकमा सञ्चार तथा सूचना प्रविधिमन्त्री ज्ञानेन्द्रबहादुर कार्कीले एमसीसी सम्झौता पेस गरेका थिए । एमसीसीबारे छलफल सुरु हुने भएपछि गठबन्धनको नेतृत्व गरेको नेपाली कांग्रेसले आफ्ना सांसदहरूलाई अनिवार्य उपस्थितिका लागि ह्वीप लगाएको छ ।
एमसीसी सम्झौता पारित गर्न संसदमा टेबल भए पनि सत्ता साझेदार दलहरू अझै पनि एकमत भएका छैनन् । देउवा प्रमुख प्रतिपक्ष एमालेसँग पनि समानान्तर छलफलमा छन् ।
