नेपाल प्रिमियर लिग क्रिकेटः सुदूरपश्चिमले कर्णालीविरुद्ध ब्याटिङ गर्दै
उच्च रक्तस्रावले सुत्केरीको मृत्यु
वि.सं.२०७७ मंसिर १६ मंगलवार १६:३७
10.82K
shares
shares
उच्च रक्तस्रावले अछामको तुर्माखाद गाउँपालिका–४ की ३८ वर्षीया नामसरा विकको जिल्ला अस्पताल अछाममा मृत्यु भएको छ ।
जिल्ला अस्पताल अछामका डा. अतुल भारद्वाजका अनुसार सुत्केरी व्यथा लागेकी महिलालाई अत्यधिक रक्तस्राव भएका कारण मृत्यु भएको हो ।
विकले समयमै उपचार नपाएका कारण मृत्यु भएको चिकित्सकले बताएका छन् । सोमबार मध्याह्न १२ बजेपछि सुत्केरी व्यथा लागेकी महिलाको अत्यधिक रक्तस्राव भएपछि उपचारका लागि जिल्ला अस्पतालमा ल्याइए पनि रक्तस्राव नरोकिएका कारण उनको गए राति ज्यान गएको जिल्ला अस्पताल अछामले जनाएको छ ।
‘रक्तस्राव निकै बढी भएको रहेछ’, डा. भारद्वाजले भने, ‘ढिलो गरी अस्पताल ल्याउँदा उनको मृत्यु भयो ।’ उनको गर्भमा रहेको बच्चाको पनि पेटमै मुत्यु भएको अस्पतालले जनाएको छ । मृत शिशु जन्मेको तीन घण्टापछि सुत्केरीको रक्तस्राव नरोकिँदा मृत्यु भएको बताइएको छ ।(रासस)
