नेपाल पावर लिफ्टिङ संघको आयोजनामा रुप कार्की स्मृति दोश्रो नेपाल्स स्ट्रोङ गेस्ट पावर लिफ्टिङ प्रतियोगिता माघ २८ गते हुने भएको छ । ‘स्वस्थ शरीर भित्र स्वस्थ मस्तिष्क’ भन्ने नाराका साथ आयोजना गर्न लागिएको प्रतियोगितामा पुरुष ६, महिलामा ३ र मास्टर्स ४५ वर्षमाथि १ तौलसमूहमा गरी जम्मा १० स्पर्धामा प्रतिस्पर्धा हुने आयोजक समितिका सचिव सुरेश सुवेदीले जनाएका छन् ।

हरेक स्पर्धामा शीर्ष तीन स्थान हात पार्ने खेलाडीले क्रमशः १० हजार, ५ हजार र ३ हजार नगद पुरस्कार प्राप्त गर्ने आयोजकले जनाइएको छ । पुरुष/महिलाको प्रत्येक तौलसमूह प्रथम हुने खेलाडीबीच पुनः ओभरअल च्याम्पियनका लागि प्रतिस्पर्धा गराइने छ । ओभरअल च्याम्पियनलाई उपाधिसंगै छुट्टै जनही ५१ हजार नगदबाट पुरस्कृत गरिने छ । विजेता खेलाडीलाई अन्तर्राष्ट्रिय सहभागिताका लागि समन्वय गर्ने सचिव सुवेदीले जानकारी गराए ।

गत संस्करणको पुरुषमा सुकदेव कार्की तथा महिलामा ज्योति थापा ओभरअल च्याम्पियन बनेका थिए । प्रतियोगितामा करिब १ सय ५० खेलाडीको सहभागिता रहने आयोजकले जनाएको छ ।दुईदिने प्रतियोगिताका खेलहरु त्रिपुरेश्वरस्थित राष्ट्रिय खेलकुद परिषद्को कभर्डहलमा खेलाइने आयोजकले जानकारी गराइएको छ । लामो समय अमेरिकामा बसेका स्व. कार्की पावर लिफ्टिङको आफ्नो उमेरसमूहका विश्व च्याम्पियन हुन् । नेपालमा रहेकै बेला उनको निधन भएको थियो ।

प्रकाशित समय : २०:५८ बजे