काठमाडौं। फिफा विश्वकप इतिहासमा सबैभन्दा धेरै गोल गर्ने राष्ट्रहरूको सूचीमा ब्राजिल शीर्ष स्थानमा रहेको छ। सन् २०२६ संस्करणपछि ब्राजिलले विश्वकपमा कुल २४७ गोल गर्दै जर्मनीलाई पछि पारेको हो।

सुरुआती दुई चरणका खेलपछि ब्राजिल र जर्मनी दुवैको गोल संख्या २३९ बराबरी थियो। तर  ब्राजिलले अग्रता बनाउँदै २४७ गोल पुर्‍याएको छ भने जर्मनी २४३ गोलसहित दोस्रो स्थानमा रहेको छ।

सन् २०२२ को विश्वविजेता अर्जेन्टिना १६९ गोलसहित तेस्रो स्थानमा छ। त्यसपछि क्रमशः फ्रान्स (१५२), इटाली (१२८), स्पेन (१२१), इङ्ल्यान्ड (११७) र नेदरल्यान्ड्स (१०७) रहेका छन्। उरुग्वे (९२), हंगेरी (८७) र स्वीडेन (८७) ले शीर्ष ११ राष्ट्रहरूको सूची पूरा गरेका छन्।

विश्वकपमा सर्वाधिक गोल गर्ने शीर्ष ११ राष्ट्र

विश्वकपमा सर्वाधिक गोल गर्ने खेलाडीहरू

२०२६ विश्वकपमा अर्जेन्टिनाका लियोनेल मेस्सीले सुरुआती ६ खेलमा ८ गोल गर्दै विश्वकप इतिहासमा कुल २१ गोल गर्ने पहिलो खेलाडी बनेका छन्।

फ्रान्सका किलियन एम्बाप्पेले पनि ६ खेलमा ८ गोल गर्दै आफ्नो विश्वकप गोल संख्या २० पुर्‍याएका छन्। यससँगै उनले जर्मनीका पूर्व स्ट्राइकर मिरोस्लाभ क्लोजलाई उछिन्दै दोस्रो स्थान कब्जा गरेका छन्। क्लोज सन् २०२६ अघि विश्वकपका सर्वाधिक गोलकर्ता थिए।

त्यस्तै, ब्राजिलका रोनाल्डो १९ खेलमा १५ गोलसहित चौथो स्थानमा छन्। गेर्ड मुलर र ह्यारी केन समान १४–१४ गोलसहित संयुक्त पाँचौं स्थानमा रहेका छन्। जस्ट फन्टेन सातौं, पेले १२ गोलसहित आठौं तथा सान्डोर कोक्सिस, जुर्गेन क्लिन्समान र क्रिस्टियानो रोनाल्डो समान ११–११ गोलसहित संयुक्त नवौं स्थानमा छन्।

प्रकाशित समय : ०६:४८ बजे