Nepalese Flag २०७७ फागुन १७ गते सोमबार   |   March 01, 2021

शाओमीको सर्भिस सेन्टर बानेश्वरको आइपेक्स मलमा

न्युज कारोबार काठमाडौं फागुन १०, २०७७       

शाओमीको सर्भिस सेन्टर बानेश्वरको आइपेक्स मलमा

शाओमी, ग्लोबल टेक्नोलोजी लिडरले आधिकारिक सर्भिस सेन्टर बानेश्वरस्थित आइपेक्स मलमा स्थापना गरेको छ । पोखरा, नारायणघाट, नेपालगन्ज र इटहरीमा शाओमीको सर्भिस सेन्टर सञ्चालन भइसकेको छ ।

यो सर्भिस सेन्टर सञ्चालनमा आएको एक हप्तासम्म शाओमीका सबै उत्पादनहरुमा फ्रि-सर्भिस क्याम्प, वारेन्टी कार्ड भए-नभएको सम्पूर्णका लागि एक हप्तासम्म सेवा उपलब्ध हुने जनाइएको छ । शाओमीका नेपालका कन्ट्री जनरल म्यानेजर शौरभ कोठारीले शाओमी सबैलाई नवीनतम प्रविधिको पहुँच पुर्‍याउन केन्द्रित रहेको बताए । उनले भने, ‘शाओमीमा सेवाको गुणस्तर प्रमुख स्तम्भ हो । र, हामी बिक्रीपछिको सेवा र ग्राहकको सेवाप्रतिको प्रयासमा हाम्रा नवीनतम उपायहरुको उत्तम कार्यान्वयन जारी राख्छौँ ।’ 

शाओमीका नवीनतम प्रयासहरुले देशभर अघि बढ्न महत्वपूर्ण भूमिका खेल्न सक्ने कोठारीको भनाइ छ । ‘यो नयाँ सर्भिस सेन्टरले नेपालभरका प्रयोगकर्ताहरुलाई उच्च गुणस्तरीय सेवा पुर्‍याउने प्रतिबद्धतालाई अझ मजबुत बनाउने छ,’ सोमबार सर्भिस सेन्टरको उद्घाटन कार्यक्रममा उनले भने ।

सर्भिस सेन्टरहरु सञ्चालनमा आएसँगै समुदायमा शाओमीका आधिकारिक उत्पादनहरुको प्रयोग बढेको कोठारीले बताए । सेवाको ‘टर्नअराउण्ड’ समय र पर्याप्त पहुँच योग्यतामा उल्लेखनीय गिरावटले शाओमीको फ्यानहरुप्रति ब्राण्डको प्रतिबद्धता प्रदर्शन गर्न महत्वपूर्ण भूमिका खेलेको पनि उनको भनाइ छ ।

सम्बन्धित खबरहरु