काठमाडौं- कुमारी बैंकले ‘कुमारी महाबचत योजना’ नामक नयाँ योजना ल्याएको छ । उक्त योजनाअन्तर्गत बैंकका ग्राहकले मेरो किराना डट कमबाट अनलाइन अर्डरमार्फत सामान खरिद गर्दा १० प्रतिशतसम्मको क्यास ब्याक (नगद फिर्ता) पाउनेछन् ।

यस योजनाअन्तर्गत कुमारी बैंकको मोबाइल बैंकिङ सेवा लिने ग्राहकहरुले अनलाइन सामान खरिद गर्दा १० प्रतिशतसम्म क्यास ब्याक पाउने भएका हुन् । काठमाडौं उपत्यकाभित्र लागु हुने यो योजनामा किरानाले काठमाडौंको चक्रपथ भित्रको क्षेत्रमा फ्री होम डेलिभरीको व्यवस्था पनि मिलाएको छ । मेरो किराना डटकममा ग्राहकहरुले खाद्यान्य लगायतका घरायसी सामानहरु सुपथ मूल्यमा खरिद गरि निःशुल्क डेलिभरीको सुविधा पाउने कम्पनीले जनाएको छ ।

हाल यस बैंकले ८५ वटा शाखाहरु, ६१ वटा एटिएम्हरु तथा २ वटा एक्सटेन्सन काउण्टरहरुबाट बैंकिङ सेवा दिइरहेको छ ।

प्रकाशित समय : २३:०७ बजे