दीपावलीले आपसी सद्भाव, एकता र भाइचाराको भावना बलियो बनाउने विश्वास
मन्त्रीकाे अनुपस्थितिले संसद बैठक स्थगित
वि.सं.२०७५ असार ३ आइतवार १९:२१
21.23K
shares
shares
संघीय संसदका दुवै सदनको आज बस्ने भनिएको बैठक स्थगित भएको छ । विनियाेजन विधेयकमाथिकाे छलफलका क्रममा विभागीय मन्त्री नै अनुपस्थित भएकाे भन्दै प्रमुख प्रतिपक्षी नेपाली कांग्रेसका सांसद अमरेशकुमार सिंहले बैठक स्थगित गर्न माग गरेका थिए ।
त्यस लगत्तै नेपाली कांग्रेसका सांसदहरुले अवरोध गरेपछि संसद बैठक स्थगित भएको हो । सांसद सिंहले सम्बन्धित मन्त्रालयका मन्त्रीको अनुपस्थिति भएको भन्दै विरोध प्रकट गरेका थिए ।
संघीय संसदको दोस्रो अधिवेशन अन्तर्गत आज विनियोजन विधेयकमाथि छलफल हुने कार्यसूची थियो । जस अनुसार ‘विनियोजन विधेयक, २०७५’ को विभिन्न शीर्षकहरुमाथि महिला बालबालिका तथा ज्येष्ठ नागरिक मन्त्रालय, संघीय मामिला तथा सामान्य प्रशासन मन्त्रालय, सहरी विकास मन्त्रालय र वन तथा वातावरण मन्त्रालयको विभिन्न शीर्षकमाथि छलफल हुने कार्यसूची थियो ।
