काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

सेयर लाभकरमा नयाँ व्यवस्था फिर्ता, कारोबार सुरू

16.46K
shares

काठमाडौं– सरकारले पुँजीगत लाभकर बढाएको तथा हकप्रद र बोनस सेयरमा अग्रिम करको निर्णय फिर्ता गरेको छ । लाभकरको विरोधमा लगानीकर्ताले मंगलबार बजार ठप्प पारेर आन्दोलनमा उत्रिएपछि सरकारले घुंडा टेकेको हो । आन्तरिक राजस्व विभागले बोनस र हकप्रद सेयरमा थप लाभकर लगाउन आइतबार धितोपत्र बोर्ड, नेपाल स्टक एक्सचेन्ज नेप्से र सीडीएस क्लियरिङ हाउसलाई पत्राचार गरेपछि लगानीकर्ता आन्दोलित भएका थिए ।

मंगलबार बिहान कार्यालय खुलेदेखि नै उनीहरुले नेपाल स्टक एक्सचेन्ज ‘नेप्से’ र धितोपत्र बोर्ड घेराउ गरेका थिए । बोनस र हकप्रदमाथिको लाभकर लगाउने सरकारी घोषणाविरुद्ध लगानीकर्ता उत्रिएपछि अर्थ मन्त्रालयले समस्या समाधान खोज्न सोमबार आन्तरिक राजस्व विभाग, धितोपत्र बोर्ड, नेप्से र सिडिएससीका प्रमुख रहेको समिति गठन गरेको थियो ।

यसअघि, नेपाल चेम्बर अफ कमर्सले बोनस र हकप्रदमा लाभकर गणना र असुलीसम्बन्धी सरकारको निर्णय खारेज गर्न माग गरेका थिए । लाभकरविरूद्ध तीनवटा लगानीकर्ताका संघ–संस्थाले गरेको आन्दोलनमा लगानीकर्ता हित संरक्षण मञ्चले पनि ऐक्यबद्धता जनाएको थियो ।