सेयर बजार परिसूचक नेप्से सोमबार करिब दोहोरो अंकले घटेको छ । होटल र उत्पादनमूलकबाहेकका सबै समूह ओरालो लागेपछि समग्र बजार परिसूचक ९.७२ अंकले नकारात्मक बन्यो । आइतबार नेप्से झिनो अंकले बढेको सोमबार घटेर १२१०.०९ अंकमा झरेको छ ।

परिसूचकसँगै कारोबार रकम पनि ओरालो लागेको छ । आइतबार २० करोड ९३ लाखको कारोबार भएको सेयर बजारमा आज १८ करोड ५१ लाखको मात्र सेयर किनबेच भएको छ । बैंकहरुले ब्याजदर स्थिर राख्ने निर्णय गरे पनि त्यसको प्रभावमा बजारमा देखिएन । सेयर विश्लेषकहरुले उच्च ब्याजदरका साथै अत्यधिक बढेको सेयर संख्याका कारण माग र आपूर्तिमा असन्तुलन आएकाले बजार उकालो चढ्न नसकेको बताइरहेका छन् ।

प्रकाशित समय : २१:५० बजे