काठमाण्डौंको शंखमुलमा पार्किङमा राखेको दुईवटा स्कुटर चोर्दै गर्दा प्रहरीले दुई जनालाई पक्राऊ गरेको छ । पार्किङमा राखेको स्कुटर चोर्ने प्रयास गर्दैगर्दा २ जनालाई प्रहरीले रगेहात पक्रिएको हो ।

माहानगरीय प्रहरी वृत नयाँ बानेश्वारको टोलीले शंखमुलस्थित सडकमा पार्किङमा राखेको बा. ३० प १८५३ र बा. ४४ प ३१०४ नम्बरका प्लेजर स्कुटर चोर्दै गर्दा २ जना पक्राऊ परेको हो । प्रहरी निरीक्षक राज ढकालले दिएको जानकारीअनुसार कैलालीको धनगढी चौराहा घरभई ललितपुर बस्ने शिखर रेग्मि र कालीकोट कोटवडा घरभई भक्तपुर कमलविनायक बस्ने उत्तम बिष्टलाई नियन्त्रणमा लिइएको हो ।

स्कुटर धनीकै जाहेरीमा उनिहरुलाई प्रक्रिएको निरीक्षक ढकालले जानकारी दिए । ढकालले थप अनुसन्धानसहित चोरीका आरोपी युवालाई चोरी मुद्दामा प्रक्रिया अघि बढाइएको पनि जानकारी दिए ।

प्रकाशित समय : २०:२२ बजे