महोत्तरीको जलेश्वरबाट पैसा झिकेर फर्किने क्रममा एक युवकको साथबाट रकम लुटिएको छ । रकम झिकेर फर्कंदै गर्दा मंगलबार दिउँसो सञ्जीव साहको साथबाट रकम लुटिएको प्रहरीले जनाएको छ ।

महोत्तरीका दुई बैंकबाट रकम लिएर फर्कंदै गर्दा साहको साथबाट १८ लाख २९ हजार लुटिएको प्रहरी निरिक्षक विज्ञान बस्नेतले जानकारी दिए ।

महोत्तरी प्रहरीका अनुसार घटनाबारे थप अनुसन्धान भइरहेको छ । प्रहरी निरीक्षक बस्नेतले लुटेराहरुको खोजी कार्यलाई तीव्र पारिएको बताए ।

साहले जिल्ला सदरमुकाम जलेश्वरस्थित लक्ष्मी बैंक र प्रभु बैंकबाट पैसा निकालेका थिए । दुईवटा मोटरसाइकलमा आएका अज्ञात हतियारधारी लुटेराहरूले जलेश्वर बर्दिबास सडकखण्डको सरपल्लो गाउँको दक्षिणपट्टि रहेको पेट्रोल पम्पनजिकैको बाँसघार अगाडिबाट लुटेर भागेका हुन् ।

प्रकाशित समय : २३:१४ बजे