काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

काठका जीर्ण पोल फेर्न सात अर्ब निकासा हुँदै

19.91K
shares

नेपाल विद्युत प्राधिकरणले पुराना र जीर्ण काठका पोल प्रतिस्थापन गर्न ऊर्जा, जलस्रोत तथा सिँचाइ मन्त्रालयसँग ७ अर्ब रुपैयाँ बजेट मागेको छ । प्राधिकरणले देशभरका मक्किएका साढे ३ लाख काठका पोलको स्थानमा फलामे पोल राख्न बजेट माग गरेको हो ।

प्राधिकरणले बजेट माग गरेर मन्त्रालयमा पठाएको पत्र अहिले अर्थ मन्त्रालयमा पुगेको छ । प्राधिकरणबाट आएको पत्र अर्थ मन्त्रालयमा पठाइसकेको ऊर्जा मन्त्रालयले जनाएको छ । अर्थले प्राथमिकताका आधारमा पोल प्रतिस्थापन शीर्षकमा बजेट निकासा गर्ने जानकारी दिएको जनाइएको छ ।

ऊर्जामन्त्री वर्षमान पुनले देशका ग्रामीण तथा दुर्गम क्षेत्रका काठका पोल तुरून्त हटाउन प्राधिकरणलार्इ निर्देशन दिएका थिए । काठका पोलकै कारण विद्युतीय दुर्घटना बढिरहेको गुनासो आएपछि मन्त्री पुनले निर्देशन दिएका हुन् ।

दुर्गम जिल्लामा १० वर्षअघि गाडिएका काठका पोल मक्किएर भाँचिन थालेका छन् । पहिलो चरणमा मक्किएका र हावाहुरीले ढालेका पोल परिवर्तन गर्ने योजनामा प्राधिकरण छ । त्यसपछि क्रमशः सबै काठका पोल प्रतिस्थापन गरिनेछ ।

काठका पोल परिवर्तन गर्नेबारे मन्त्रालयका सचिव, प्राधिकरणका कार्यकारी निर्देशक र सामुदायिक विद्युत उपभोक्ता महासंघ नेपालबीच पनि छलफल भइसकेको छ । महासंघअन्तर्गतका सामुदायिक संस्थाले विद्युतीकरण गरेका अधिकांश जिल्लामा काठका पोल गाडिएका छन् ।