काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

विदेश भ्रमणमा जानेलार्इ नबिल बैंकबाटै स्वास्थ्य बिमा

15.14K
shares

नबिल बैंकले वैदेशिक भ्रमणमा जाने ग्रहकको सुविधालाई मध्यनजर गर्दै वैदेशिक यात्रा स्वास्थ्य बिमा योजना तुरुन्त जारी गर्ने भएको छ । बैंकले आफ्ना काउन्टरबाट भिसा इन्टरनेसनल प्रि–पेड कार्ड, बैंक ड्राफ्ट र विदेशी मुद्रा सटहीजस्ता सेवाका लागि आउने ग्राहकलाई लक्षित गरी वैदेशिक यात्रा (ट्राभल) बिमा योजना सेवा पनि उपलब्ध गराउनेछ ।

यो सेवा नबिल बैंकले सर्वप्रथम नेपाली बजारमा ल्याएको हो । यो सेवाका लागि नबिल बैंकले प्रभु इन्स्योरेन्ससँग साझेदारी गरेको छ । अब नबिल बैंकबाट सेवा लिन आउने ग्राहकले बिना झन्झट बैंकका काउन्टरबाट बैदेशिक यात्रा (ट्राभल) स्वास्थ्य बिमा तुरुन्त खरिद गर्न सक्नेछन् ।

विदेश यात्रा गर्ने यात्रीलाई स्वास्थ्य बिमा निकै नै उपयोगी हुनेछ । किनकि, यसले अचानक र अनपेक्षित बिरामी, विदेश बसाइका क्रममा हुनसक्ने दुर्घटना र जाँच गरी हराएका ब्यागेज र राहदानी, यात्रामा ढिलाइ, अपहरण जस्ता घटनाबाट हुने सम्भावित क्षतिको भरण गर्छ ।

नबिल बैंकका प्रमुख कार्यकारी अधिकृत अनिलकेशरी शाहले नबिल बैंकका सेवासँग ट्राभल बिमा सेवाको समायोजनले ग्राहकका सम्पूर्ण यात्रा आवश्यकतालाई एकद्वार प्रणलीबाट समाधान दिन नबिल बैंक सक्षम हुने बताए । ‘यसले विदेश यात्रा गर्ने व्यक्तिलाई सुरक्षित र सुविधाजनक यात्राका लागि बिमाको महत्वबारे सजग गराउन पनि मद्दत गर्नेछ,’ उनले भने, ‘यो सेवाका लागि प्रभु इन्स्योरेन्ससँग सहकार्य गर्न पाउँदा ज्यादै हर्षित छौं ।’

नयाँ प्रविधि अनुशरण गर्न र नवीन वस्तु तथा सेवाको विस्तार गर्न नबिल बैंक अग्रस्थानमा रहँदै आएको छ । बिमा योजना तुरुन्त जारी गर्ने सेवासँगै समाजलाई केही नौलो सेवा प्रदान गर्ने क्रममा नबिल बैंकले अर्को अध्याय थपेको बैंकद्वारा जारी विज्ञप्तिमा उल्लेख छ ।