काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

मेक्सिकोमा नौजना पत्रकारको हत्या

14.97K
shares

बन्दुकधारीहरुले गोली प्रहार गरेर मेक्सिकोमा थप एक पत्रकारको हत्या गरेका छन् । यो घटनासँगै मेक्सिकोमा सन् २०१८ मा मात्रै हत्या हुने पत्रकारको संख्या नौ पुगेको छ ।

मेक्सिकोको दक्षिणी राज्य चियापासमा रहेको आफ्नै घरमा पत्रकारको हत्या भएको उनको पत्रिकाले शुक्रबार जनाएको छ । एल हेराल्डो डे चियापास नामक पत्रिकामा कार्यरत पत्रकार मारियो गोमेजको हत्या भएको हो ।

‘उनलाई हालैमात्र विभिन्नखालका चेतावनी र धम्की आएका थिए,’ गोमेजका सहकर्मीले नाम नबताउने सर्तमा भने । पत्रिकाले दिएको जानकारीअनुसार गोमेज याजालोन सहरका संवाददाता थिए । दुई अपरिचित व्यक्तिले उनको हत्या गरेको बताइएको छ ।

गोली प्रहार भएलगत्तै ३५ वर्षीय गोमेजलाई अस्पताल लगिएको भए पनि अस्पतालले मृत घोषणा गरेको थियो । ‘हामीले घटनामा संलग्नलाई तत्काल पक्राउ गरी कारबाही गर्न आग्रह गरेका छौं,’  पत्रिकाको अनलाइन संस्करणमा प्रकाशित सम्पादकीयमा भनिएको छ । सरकरी पक्षले घटनामा संलग्नको खोजी भइरहेको र दोषीलाई कारबाही गर्ने प्रतिबद्धता जनाएको छ ।