काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

अरिंगालपछि कार्यकर्तालाई ‘मौरी’ हुन प्रधानमन्त्रीको आग्रह

13.92K
shares

प्रधानमन्त्री केपी शर्मा ओलीले मौरीजस्तो मिलेर काम गर्न आफ्ना नेता तथा कार्यकर्तालाई आग्रह गरेका छन् । धुम्बाराहीस्थित पार्टी केन्द्रीय कार्यालयमा कम्युनिष्ट नेतृ साहाना प्रधानको चौथो स्मृति सभामा प्रधानमन्त्री ओलीले मौरीजस्तै मेहनती र मिलनसार भएर अगाडि बढ्न आग्रह गरेका हुन् । ‘कर्मी मौरीजस्तै एकजुट भएर काममा लाग्नुहोस्,’ उनले भने, ‘सबैको संयुक्त मेहनतले देश विकास हन धेरै समय लाग्दैन ।’

यसअघि ओलीले प्रतिक्रियावादीविरुद्ध अरिंगालजस्तो गरी हमला गर्न निर्देशन दिएका थिए । उनको त्यस्तो अभिव्यक्तिको चौतर्फी विरोध भएपछि उनले मौरी जस्तो एकजुट भएर देश हितका लागि काम गर्न आग्रह गरेका हुन् । देशका स्वार्थकै लागि काम गर्न माओवादीसँग मिलेर चुनाव लडेको र पार्टी एकता गरेको उनको प्रस्टोक्ति छ । ‘हामी एकतावद्ध हुनुपर्छ भनेको तर्सिएर, झस्किएर उधुम नै भइहाल्यो’, ओलीले भने, ‘आज मौरी भन्छु । कर्मी मौरीजस्तो एकजुट भएर अघि बढ्ने हो ।’