नुवाकोटको दुप्चेश्वर गाँउपालिका–३ राउतबेँसीस्थित नवज्योती प्राथमिक विद्यालयका प्रधानाध्यापक गणेश पण्डित शुक्रबार साँझ मृत अवस्थामा भेटिएका छन् ।

दुप्चेश्वर–७ अम्बोटेका ४५ वर्षीय पण्डित बिहीबार विद्यालयमा पढाउन गएर फर्कने क्रममा हराएकोमा घर नजिकै बाँसबोटे भन्ने जंगलमा मृत अवस्थामा भेटिएको जिल्ला प्रहरी प्रमुख बसन्त कुँवरले जानकारी दिए ।

उनको शरीरको विभिन्न अंगमा चोट लागेको, लडेको स्थानभन्दा केही परसम्म समेत रगत देखिएको भन्दै घटनाबारे प्रहरीले अनुसन्धान शुरु गरेको छ । शव परीक्षणको लागि जिल्ला अस्पताल त्रिशूलीमा ल्याइएको छ

प्रकाशित समय : १३:१२ बजे