काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

काठमाडौँबाट फेरि १० वर्षीय बालककाे अपहरण

15.23K
shares

काठमाडौंको गोठाटारबाट १० वर्षीय बालक अपहरणमा परेका छन् । बुधबार बिहान साढे १० बजे अज्ञात समूहले बालकलाई जबरजस्ती गाडीमा हालेर लगेको भन्दै बालकका आफन्तले बौद्ध प्रहरीमा उजुरी हालेका छन् ।

त्रिभुवन अन्तर्राष्ट्रिय विमानस्थल उत्तर–पूर्वको तेजविनायक चोकबाट बालक अपहरणमा परेका महानगरीय प्रहरी बृत्त बौद्धका प्रमुख प्रहरी नायव उपरीक्षक श्यामकुमार राईले जानकारी दिए । कालो चेक सर्ट र हाफ प्यान्ट लगाएका बालकको नाम प्रहरीले सार्वजनिक गरेको छैन । उनलाई तेज विनायक स्कुल नजिकबाट तीन जनाको समूहले गाडीमा राखेर देखेको केही स्थानीयले बताएका छन् । ‘बालकलाई अपहरण गरिएको स्थानीयले देखेर खबर गरेका छन्, परिवारसँग बालक वा अरु कसैले सम्पर्क पनि गरेका छैनन, खोजी कार्य जारी राखेका छाँै,’ प्रहरी नायव उपरीक्षक राईले न्यूज कारोबारसँग भने ।

बालक खोजीका लागि अपराध अनुसन्धान महाशाखा र महानगरीय प्रहरी परिसरको टोलीले काठमाडौं, ललितपुर र भक्तपुर जिल्लामा प्रहरी परिचालन गरेको छ । खोजीको लागि एसएसपी धिरजप्रताप सिंह नेतृत्वको टिम खटिएको छ । महानगरीय प्रहरी परिसर काठमाडौंका डिएसपी होविन्द्र बोगटी, बौद्ध वृत्तका डिएसपी श्यामकुमार राई र बानेश्वर वृत्तका डिएसपी गोविन्द काफ्ले केहीबेर अघि घटनास्थल पुगेका छन् । गत साउन २० गते काठमाडौं काँडाघारीका ११ वर्षीय बालक निशान खड्काको अपहरणपछि हत्या गरिएको थियो । अपहरणमा संलग्न दुबै जनालाई प्रहरीले इन्काउन्टर गरी मारिदिएको थियो ।