नेपाल इन्स्योरेन्सद्वारा चितवन टाइगर्सका खेलाडीको बिमा
वि.सं.२०७५ मंसिर २१ शुक्रवार १७:३२
shares

नेपालकै पुरानो बिमा कम्पनी नेपाल इन्स्योरेन्स कम्पनीले एभरेष्ट प्रिमियर लिग २०१८ मा चितवन टाइगर्सका खेलाडीको बिमा गरेको छ । मंसिर २२ गते देखि पुष ७ गतेसम्म सञ्चालन हुने लिगमा नेपाल इन्स्योरेन्सले चितवन टाइगर्सका खेलाडीको स्वास्थ्य र दुर्घटना बिमा गरेको हो ।
सम्झौतापत्रमा नेपाल इन्स्योरेन्सका नायब महाप्रबन्धक विक्रान्त पाण्डे र चितवन टाइगर्सका प्रतिनिधिबीच हस्ताक्षर भएको छ । तेस्रो एभरेष्ट प्रिमियर लिग टि–२० टुर्नामेन्टमा त्रिभुवन विश्वविद्यालय अन्तराष्ट्रिय क्रिकेट मैदानमा हुनेछ ।
नेपालमा क्रिकेट खेलको बढ्दो लोकप्रियतालार्इ मध्यनजर गर्दै खेलाडीको बिमा गरिएको नायब महाप्रबन्धक पाण्डेले जानकारी दिए । खेलाडीको बिमाले खेलकुद प्रतियोगिता आयोजना गर्न सहयोग पुग्ने उनको विश्वास छ ।
चितवन टाइगर्स पृथु बास्कोटाको कप्तानीमा दिपेन्द्रसिंह ऐरी, आयरल्यान्डका पल स्टर्लिङ र बेलायतको जोन सिम्पसन, जर्ज स्कट र अन्य उत्कृष्ट खेलाडीको साथ ‘रोर रोर चितवन टाइगर्स’को नारा लिएर टुर्नामेन्टमा सहभागी हुँदै छ ।

























