काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

हिंसा रोक्न ४०० महिलालाई आत्मरक्षा तालीम

17.91K
shares

नेपाल सेल्फ डिफेन्स एसोसिएसनले राष्ट्रिय खेलकूद परिषद्को समन्वयमा महिलालाई आत्मरक्षा तालीम प्रदान गरेको छ । सार्वजनिक सवारी साधन, कार्यालय, सार्वजनिक स्थल लगायतमा महिला हिंसा घटना बढ्न थालेपछि हिंसा रोक्न र आत्मरक्षा गर्न सक्ने बनाउन भक्तपुरका महिला कर्मचारी, नर्सलगायतलाई आत्मरक्षासम्बन्धी दुईदिने तालीम मंगलबार समापन भएको हो ।

एसोसिएसनका प्रशिक्षकहरु पद्मा खयर गोलीले महिलामाथि हुनसक्ने हिंसा रोक्न र आफ्नो रक्षा आफैँ गर्नसक्ने बनाउन आत्मरक्षासम्बन्धी सैद्धान्तिक एवं प्रयोगात्मक तालीम प्रदान गरेको बताइन् ।

भक्तपुरको सिद्धि स्मृति प्रतिष्ठानमा भएको तालीममा एसोसियसनका प्रमुख प्रशिक्षक सञ्जु महर्जन, प्रशिक्षक पद्मा खयर गोली, राधिका ऐर हमाल, रोजिना लोहला र रवीन्द्र श्रेष्ठले तालीममा सहभागी करीब ४०० महिलालाई आत्मरक्षा तालीम प्रदान गरेका थिए ।

खयर गोलीले काठमाडौँ, ललितपुर, काभ्रे, बाँके, कैलाली, कञ्चनपुरलगायत क्षेत्रका महिलालाई आत्मरक्षाको तालीम सञ्चालन गरेको र आगामी माघ १० गतेदेखि १२ जिल्लाका महिलालाई यस किसिमको तालीम दिइने जानकारी दिइन् ।
रासस