पेट्रोलियम पदार्थको मूल्य घट्यो, बाहिरका डिपोमा पनि नयाँ मूल्य
वि.सं.२०७५ पुस ४ बुधवार १२:५१
shares

सरकारले राति १२ बजेदेखि लागू हुने गरी पेट्रोलियम पदार्थमा मूल्य घटाएको छ । नेपाल आयल निगमको मंगलबार बसेको बैठकले पेट्रोल, डिजेल र मटितेलमा प्रतिलिटर दुई/दुई रूपैयाँका दरले मूल्य घटाएको हो ।
नयाँ मूल्यअनुसार पेट्रोल ११० प्रतिलिटर, डिजेल र मटितेल ९७ रूपैयाँ प्रतिलिटर पर्छ । निगमले गत वर्षदेखि कार्यान्वयनमा ल्याएको ‘स्वतः सञ्चालित मूल्य संरचना’ अनुरुप इन्डियन आयल कर्पोरेसन (आईओसी)ले नयाँ मूल्य निर्धारण गरेपछि नेपालमा पनि मूल्य समायोजन गरेको जनाएको ।
यसैगरी, निगमले निगमको डिपो एवं बिक्री केन्द्रदेखि १५ किलोमिटरभित्र लागू हुने क्षेत्रभित्र पनि नयाँ मूल्य तोकेको छ । जसअनुसार झापा, विराटनगर, धनुषाको महेन्द्रनगर, वीरगन्ज, अमलेखगङ्ज, भलवारी, नेपालगञ्ज र धनगढीमा पेट्रोलको १०८ रुपैयाँ ५० पैसा, डिजेल र मटितेलको ९५ रुपैयाँ ५० पैसा तथा पोखरा र दाङका लागि पेट्रोल १०९ रुपैयाँ ५० पैसा र डिजेल तथा मटसतेलको ९६ रुपैयाँ ५० पैसा नयाँ मूल्य तोकेको छ ।

























