बिगकोला बजारमा
वि.सं.२०७५ पुस ४ बुधवार १३:०२
shares

पेय पदार्थ पारखीहरुलाई लक्षित गर्दै मल्टिनेसनल कम्पनी बिगकोलाले आफ्नो उत्पादन प्रदेश नम्बर ५ मा बिक्री प्रारम्भ गरेको छ । प्रदेश नम्बर ५ का लागि आधिकारिक विक्रेता बिजी ट्रेडिङले भैरहवामा एक कार्यक्रम गरी उत्पादन बिक्री सुरु गरेको हो । भैरहवाका तीन जना युवा व्यवसायीहरुको लगानीमा प्रदेश ५ का लागि नेपालको आधिकारिक विक्रेता निलगिरी फुड एन्ड बेभरेज प्रालिले बिजीलाई तोकेको हो ।
अहिले बजारमा रहेका अन्य पेय पदार्थको तुलनामा स्वाद र स्वस्थ्यको दृष्टिले बिगकोला उत्कृष्ट रहेको उत्पादकको दाबी छ । निलगिरी फुड एन्ड बेभरेजका सञ्चालक समितिका अभिषेक तिवारीका अनुसार अहिलेलाई बजारमा बिगकोला, बिग सिफ्रुट, बिग लेमन लाइम र बिग ओरेन्ज गरी चारवटा उत्पादन ल्याइए पनि जनवरीदेखि नै इनर्जी ड्रिंकको रुपमा भोल्ट र अन्य उत्पादन गरी सात किसिमका पेयपदार्थ आउने बताए ।

























