काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

राहत लिएर मुख्यमन्त्री शाही कालीकोटतर्फ

14.91K
shares

आगलागी पीडितहरुका लागि राहत तथा खाद्यान्न सामाग्री लिएर कर्णाली प्रदेशका मुख्यमन्त्री महेन्द्रबहादुर शाही कालिकोटतर्फ प्रस्थान गरेका छन् । कालीकोटका प्रदेशसभा तथा प्रतिनिधिसभा सदस्यहरु सहित मुख्यमन्त्री शाही कालीकोट गएका हुन् ।

राष्ट्रियसभा सदस्य जीवन बुढा, प्रतिनिधिसभा सदस्य दुर्गबहादुर रावत र प्रदेशसभा सदस्य कुर्मराज शाही सहित मुख्यमन्त्री शाही राहत सामग्री लिएर पलाता गाँउपालिकाको वडा नं. १ स्थित न्यौपानेवाडा गएका हुन् ।

rahat3_newskarobar

गएराति भएको आगलागीबाट कालीकोटको पलाता गाउँपालिका अहिले शोकमा डुबेको छ ।

मुख्यमन्त्री शाहीको टोली प्रदेश सरकारको तर्फबाट तत्काल राहत स्वरुप नगद २० हजार,  १०० थान बल्याँकेट,  ५ बण्डल पिफम,  १०० थान सिरक डसना,  १५ पेटी चाउचाउ,  ६ पेटी विस्कुट,  ३ बोरा चिउरा र २३ किलो फुरनादाना सहित कालिकोटतर्फ प्रस्थान गरेका हुन् ।

गृहमन्त्रालयको तर्फबाट ६० थान त्रिपाल, १०० थान जुत्ता, १०० थान ज्याकेट, १०० थान ट्राउजर र २०० थान बल्याँकेट समेत लिएर नेपाली सेनाको हेलीकोप्टरबाट टोली अग्नीपिडित क्षेत्र पुगेको हो ।

केन्द्र सरकारको तर्फबाट सदरमुकाम मान्माबाट ३००० किलो चामल सहित दाल, नुन तेल लगायतको खाद्यान्न सामाग्री अग्नीपिडितलाई उपलब्ध गराउने कार्यक्रम रहेको मुख्यमन्त्रीका प्रेश सल्लाहकार ध्रुब बुढाथोकीले जानकारी दिए ।