नेकपा निकट विद्यार्थी संगठनले कञ्चनपुरकी १३ वर्षीया निर्मला पन्तको बलात्कारपछि हत्या प्रकरणमा प्रहरी महानिरीक्षक सर्वेन्द्र खनालले असहयोग गरेकाले बर्खास्त गर्न माग गरिएको स्पष्ट पारेको छ ।

काठमाडौंमा शुक्रबार अनेरास्ववियु र अनेरास्ववियु (क्रन्तिकारी) का नेताले आइजीपी खनालले प्रहरीलाई परिचालन गर्न नसकेकोले बर्खास्त गर्न माग गरेको बताएका हुन् । अनेरास्ववियुका कार्यवाहक अध्यक्ष महेस बर्तौलाले आइजीपी खनालले सरकारलाई असहयोग गरेकाले राजीनामा माग गरेको बताए । त्यस्तै क्रान्तिकारीका अध्यक्ष रन्जित तामाङले आइजीपी खनाललाई बर्खास्त नै गर्नुपर्ने बताए ।

दोषीलाई बचाउन प्रहरी नै लागेकाले आइजीपी खनाललाई बर्खास्त गर्नुपर्ने उनले बताए । आइजीपी खनाललाई बर्खास्त गर्नुपर्ने माग राख्दै विद्यार्थी संगठनले बिहीबार गृहमन्त्री रामबहादुर थापाई ज्ञापनपत्र समेत बुझाएका थिए । विद्यर्थी नोहरले चाडपर्व नजिकिएसँगै इन्धन, खाद्यबस्तु लगायतको मूल्य बढेको भन्दै तत्काल मूल्य वृद्धि घटाउन सरकारलाई आग्रह गरे ।