काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

आणविक सम्झौताको ममलाई सुरक्षा गर्न इरानको आग्रह

14.72K
shares

आणविक सम्झौताका अमेरिका बाहेकका अन्य हस्ताक्षरकर्ता मुलुकलाई आणविक सम्झौताको मर्म अनुसार इरानको सुरक्षाका लागि पहल लिन तेहरानले शनिबार आग्रह गरेको छ ।

सम्झौता अनुसार अघि बढ्न हस्ताक्षरकर्ता मुलुकहरूले प्रतिवद्धता जनाएका भएपनि यसका लागि पहलकदमी लिन यूरोपेली यूनियन (इयू) ले ढिलाइ गरेको इरानी विदेश मन्त्री मोहमुद जाभेद जरिफले जानकारी दिए ।

अमेरिकी आर्थिक प्रतिबन्धका कारण इरानले भोगिरहेको समस्यालाई मध्यनजर गर्दै इयूले आर्थिक कारोबारका लागि इरानलाई वैध बाटोको विकल्प दिनुपर्ने उनको भनाइ थियो । शुक्रबार इरानी उपविदेशमन्त्री अब्बास अराक्चीले पनि सम्झौता अनुरूप इरानलाई सहयोग नगरेको भनी इयूको ‘प्रतिक्रिया ढिलो’ भइरहेको भनी आलोचना गरेका थिए ।

सम्झौतामा इयूको राजनैतिक अडान सही भएपनि यसलाई व्यवहारमा लान अन्य हस्ताक्षरकर्ता सफल नभैरहेको उपविदेशमन्त्रीको दावी थियो । उनीहरू अमेरिकाबाट जरिवाना लगाउने र विश्वास गुम्ने भयका कारण इरानबाट बाहिरिने कम्पनीलाई रोक्ने सन्दर्भमा शक्तिहीन देखिएका छन् ।

इरानमा कार्यरत कतिपय व्यवसायिक कम्पनीहरू अमेरिकाले सम्झौताबाट बाहिरिने घोषणासँगै आफ्ना गतिविधिमा सुस्ताउदै बाहिरिन थालिसकेका छन् । यसैगरी गत वर्षको सेप्टेम्बरपछि अहिलेसम्म रियलको मूल्यमा अमेरिकी डलरसँग ४७ प्रतिशत गिरावट आइसकेको छ ।

इरानी विदेशमन्त्री मोहम्मद जावेद जरिफले अमेरिकाले सम्झौताबाट बाहिरिएपछि आणविक सम्झौतालाई जोगाउन असफल भएमा यो तेहरानका लागि निकै घातक हुने बताएका छन् । संयुक्त राज्य अमेरिकाले गत मे महिनामा आफूले सन् २०१५ मा इरानसँग विश्व शक्ति राष्ट्रहरू बेलायत, फ्रान्स, जर्मनी, चीन र रूसले गरेको आणविक सम्झौतालाई नमान्ने घोषणा गरेको थियो भने गतहप्ता देखि सम्झौताबाट फिर्ता भएको थियो । यसपछि इरानमाथि पुनः सन् २०१५ पहिलेजस्तै आर्थिक नाकावन्दी लगाइएको छ ।(रासस)