काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

मरेपछि पनि लाइनमा

17.7K
shares

पशुपति आर्यघाटमा रहेको नेपालको एक मात्र विद्युतीय शवदाह गृहको एउटा मेसिन बिग्रँदा शव जलाउन घण्टौं पालो कुर्नुपर्ने बाध्यता छ । यसअघि पनि पटक–पटक बिग्रँदै आएको विद्युतीय मेसिन मर्मत नगरिँदा शव जलाउन जानेहरु लाइनमा बस्नुपरेको हो ।

२०७२ माघ १० गतेबाट सञ्चालनमा आएको विद्युतीय शवदाह गृहमा दुईवटा मेसिन छ । जसमा अहिले एउटामात्र सञ्चालनमा छ । दाउराभन्दा विद्युतीयबाट शव जलाउन चाहनेको संख्या बढ्दै गर्दा पनि पशुपति क्षेत्र बिकास कोषले बिग्रिएको मेसिन मर्मत नगर्दा समस्या भएको हो ।

मेसिन बिग्र्रिएको डेढ महिनाभन्दा बढी हुँदासमेत मर्मतका लागि कोषले चासो दिएको छैन । विद्युतीय मेसिनबाट एक शव जलाउन एक घण्टा लाग्छ । तर, एकैपटक चार–पाँचवटा शव आएको समयमा चार–पाँच घण्टा कुर्नुपर्ने बाध्यता छ । पशुपति आर्यघाटमा दैनिक १२ देखि ४० जनासम्मको दाहसंस्कार हुने गरेको छ । त्यसमध्ये आधाभन्दा बढी शव विद्युतीय शवगृहमा आउने गरेका छन् ।

प्राविधिक समस्या आएकाले एउटा मेसिन बन्द भएको कोषले जनाएको छ । भारतबाट प्राविधिक आएपछि मर्मत गरिने कोषका कार्याकारी निर्देशक रमेशकुमार उप्रेतीले बताए । ‘प्राविधिक आएपछि मर्मत गरेर दुईवटा मेसिन सञ्चालनमा ल्याउनेछौं, अहिले एउटै मेसिनले काम चलाउँदै आएका छौं,’ उनले भने । विद्युतीय मेसिनबाट शव जलाउँदा वायु प्रदूषण कम हुने, समयको वचत हुने र आर्थिक स्थिति कमजोर हुनेहरुलाई सहज हुने गरेको छ ।