धुमधाम साथ मनाइदै ‘छठपर्व’
हरिवोधनी एकादशी यसरी मनाइयो पोखरामा
वि.सं.२०७५ मंसिर ४ मंगलवार ०१:२५
11.8K
shares
shares
हरिवोधनी एकादशी (ठुली एकादशी) पोखरामा तामझामका साथ मनाइएको छ । श्रद्धालु भक्तजनहरुले विष्णु भगवानको पूजा गर्दै तुल्सी घाटमा फूल अर्थात तोरण टाँग्दै भजन कृतनका साथ हरिवोधनी एकादशी मनाएका हुन् ।
यस वर्ष तुल्सीघाटमा पोखराबाट ३२ वटाभन्दा बढी तोरण टाँगिएको रामघाट व्यवस्थापन समितिका अध्यक्ष राम्जी प्रसाद कोइरालाले बताए । गत वर्ष करिब ४४ वटा तोरण टाँगिएको उनले जानकारी दिए । पोखराको तुल्सी घाटमा भक्तहरुको भीडभाड भएकोले फूल तार्न विभिन्न संघ संस्थाहरुले सहयोग गरेका थिए ।
यस वर्ष समितिले विभिन्न दाताहरुबाट करिब ३ लाख रुपैयाँ आर्थिक संकलन गरेको छ । तोरण टाँग्ने टोलीले दिएको सहयोगसहित भक्तजनहरुले उक्त रकम दिएको कोइरालाले बताए ।
हरिवोधनी एकादशीको दिन भगवान् विष्णुको प्रतीकका रूपमा तुलसीको विवाह र विशेष पूजा गरिन्छ भने हरिशयनी एकादशीका दिन घर घरमा रोपिएको तुलसीको मठमा गाईको गोबर र रातो माटोले पोतेर सिङ्गारी फूल मालाले सजाएर विवाह गर्ने प्रचलन छ ।
