मकवानपुरको राक्सिराङ–३ की १२ वर्षीया बालिका गंगा चेपाङको सुरक्षित सुत्केरी गराउन प्रधानमन्त्री केपी शर्मा ओलीले काठमाडौं झिकाएका छन् । १२ वर्षकी बालिका गंगा चेपाङ गर्भवती भएको समाचार विभिन्न सञ्चार माध्यममा प्रकाशित भएपछि प्रधानमन्त्रीको ध्यानाकर्षण भएको थियो ।

‘प्रधानमन्त्री ज्यूबाट १२ वर्षिया चेपाङ् छोरीलाई जसरी हुन्छ सुरक्षित मातृत्व गराउन निर्देशन भएकाले हामीहरुले त्यही अनुरुप बातावरण बनाइरहेका छौं,’ प्रधानमन्त्रीका प्रेस सललाहकार कुन्दन अर्यालले भने ।

प्रधानमन्त्रीको निर्देशन अनुसार गंगा चेपाङको सोमबारदेखि मकवानपुर जिल्ला अस्पताल हेटौंडामा उपचार भइरहेको छ । हेटौंडामा उपचार गराउन सम्भव नभए काठमाडौं झिकाउने तयारी भइरहेको प्रधानमन्त्री कार्यालयले जनाएको छ ।

०७४ पुस ८ गते मकवानपुरको कैलाश गाउँपालिका–७ का १८ वर्षका किशोरसँग गंगाले भागी बिहे गरेकी थिईन् । कक्षा ४ मा पढ्दै गरेकी गंगा र कक्षा ३ मा पढ्दै गरेका उनका पतिले भागी विवाह गरेपछि उनीहरु दुवैले पढाई छाडेका छन् ।