पाकिस्तानको बाढी पुनःस्थापनाको अनुभवबाट नेपालले सिक्न सक्छ’
निर्मलाका बुबा यज्ञराजलाई उपचारको लागि काठमाडौं ल्याइयो
वि.सं.२०७५ मंसिर ९ आइतवार ००:००
9.95K
shares
shares
बलात्कारपछि हत्या गरिएकी कञ्चनपुरकी १३ वर्षीया बालिका नर्मला पन्तका बुबा यज्ञराज पन्तलाई उपचारको लागि काठमाडौं ल्याइएको छ । छोरीको हत्यारालाई कारबाहीको माग गर्दै धर्नामा बसेका यज्ञराजको स्वास्थ्य अवस्था बिग्रिएपछि उपचारको लागि काठमाडौं ल्यायएको हो ।
छोरीको हत्यापछि उनको मानसिक अवस्था बिग्रिँदै गएपछि काठ्माडौं ल्याइएको हो । छोरीको हत्यारालाई कारबाहीको माग गर्दै धर्नामा रहेकाबेला उनलाई डिप्रेशन भएको थियो । पछिल्लो समय उनको व्यवहार अस्वभाविक भएको थियो ।
रातभरी नसुत्ने, बर्बराउने, निर्मलाको नाम लिँदै रुदै हिड्ने गरेका थिए । कञ्चनपुरमा उनको उपचार सम्भव नभएपछि काठमाडौं ल्याइएको श्रीमती दुर्गादेवीले बताइन् । उनको उपचार काठमाडौंको शिक्षण अस्पतालमा गरिने भएको छ ।
निर्मलाको हत्या भएको चार महिना पुग्दा पनि हत्याराको पहिचान भएको छैन । गत साउन १० गते साथीको घरमा गएकी निर्मला भोलीपल्ट मृत अवस्थामा फेला परेकी थिइन् ।
