सेयर बजार ७ अंकले घट्यो, कारोबार रकममा बढोत्तरी
वि.सं.२०७५ पुस २२ आइतवार २१:०६
shares

सेयर बजार परिसूचक नेप्से ७ अंकले घटेको छ । अन्यबाहेकका सबै समूह ओरालो लागेपछि नेप्से परिसूचक ७.२२ अंकले घटेर ११७०.७९ अंकमा झरेको हो । अन्य समूह भने १.३२ प्रतिशतले बढेको छ ।
नेप्से घटे पनि कारोबार रकम भने बढेको छ । आइतबार १५६ कम्पनीको ३१ करोड ३ लाख रुपैयाँबराबरको १३ लाख ६३ हजार ८५४ कित्ता सेयर किनबेच भएको छ । यो रकम गत हप्ताको अन्तिम कारोबार हुने दिन बिहीबारको भन्दा ४ करोड धेरै हो । बिहीबार २७ करोडको सेयर किनबेच भएको थियो ।
नेप्से घटे पनि नागरिक लगानी कोष, जेविल्स फाइनान्स, नेपाल क्रेडिट एन्ड कमर्सियल बैंक, आँखुखोला जलविद्युत कम्पनी, मेरो माइक्रोफाइनान्सलगायत कम्पनीको सेयर मूल्य बढेको छ ।

























