बुर्टोनको पोस्टमा म्यान्चेस्टर सिटीको गोलको वर्षा
वि.सं.२०७५ पुस २६ बिहीवार १४:१२
shares

म्यान्चेस्टर सिटीले काराबाओ कपको सेमिफाइनलअन्तर्गत पहिलो लेगमा बुर्टोनलाई ९–० ले पराजित गरेको छ । घरेलु मैदान इतिहाद रंगशालामा भएको खेलमा सिटीले बुर्टोनलाई ९ गोल गर्दा सिटीका गाब्रियल जेसुसले एक्लै चार गोल गरे । त्यस्तै, केभिन डे ब्रुयन, एलेक्जेन्डर जिन्चेन्को, फिल फोडेन, कायल वाल्कर र रियाड महरेजले एक–एक गोल थपे ।
खेलको पाँचौं मिनेटबाटै गोल गर्न सुर गरेको सिटीले ३०औं, ३४औं, ३७औं, ५७औं, ६२औं, ६५औं ७०औं र ८३औं मिनेटमा गोल गरेको हो । सिटीले दोस्रो हाफमा पाँच गोल थपेको थियो ।

























