अन्नपूर्ण प्रथम हिमालबाट ४८ घण्टापछि उद्धार गरिएका मलेसियाका डाक्टर ४८ वर्षे चिन वुइ किनको निधन भएको छ । नेपालको मेडिसिटी अस्पतालमा उपचार गरिएपछि किनका थप उपचारका लागि एयर लिफ्ट गरेर लगिएको थियो ।
अन्नपूर्ण प्रथमको ८,१०० मिटरका सफल आरोहण गरेर फर्कने क्रममा उनी हिमालमै बेपत्ता भएका थिए । शिखरका एक किलोमिटर तल आइसकेपछि उनी हराएका थिए ।
काठमाडौंबाट उडेको हेलिकोप्टरले आधार शिविरभन्दा केही माथि नै उद्धारमा दक्ष शेर्पा टोलीलाई झारेको र शेर्पा टोली ती पर्यटक भएका ठाउँसम्म पुग्न ४ घन्टाभन्दा बेसी लागेको थियो । उनलाइ सिम्रिक एयरको हेलिकप्टरसहितका टिमले उद्धार गरेको थियो ।
उद्धार लगत्तै किनले के म तातोपानी पाउन सक्छु? भनेको उद्धारकर्मीहरूले जनाएका छन् ।

प्रकाशित समय : २२:३७ बजे